Espero que sirva de axuda este blog a quen, coma min, gusta de pasear por camiños, sendas e corredoiras.

lunes, 14 de noviembre de 2011

Glaciar Mer de Glace (Chamonix - Mont Blanc)

A segunda xornada nos Alpes estivo condicionada polo feito de ter que marchar pola tarde cara a Aosta via Suiza (desta maneira aforrase o carísimo Tunel do Mont Blanc e se cruza o espectacular e panorámico Porto do Gran San Bernardo, entre Suiza e Italia)

Glaciar Mer de Glace

Por este feito decidimos facer unha ruta que non fora especialmente longa nin dura, e optamos por subir ata o Glaciar Mer de Glace, un dos lugares mais turísticos do val de Chamonix. De feito hai un tren funicular que sube ata él, pero por suposto nós fixémolo andando.

Mapa da zona pola que fixemos a ruta

Vista en Google Earth da ruta realizada

Dado que estabamos aloxados no Camping Mer de Glace (1090 m) nin sequera nos tivemos que desprazar en coche para iniciar a ruta. Saíndo do camping collese a man dereita en dirección o Río Arve. Na ponte sobre o río se pode apreciar o cor blanquecino da auga, que denota o seu orixe glaciar, e é que este río recolle as augas de todolos torrentes que baixan dende os Glaciares da cara N do Macizo do Mont Blanc.

Río Arve

Unha vez cruzada a ponte continuamos camiñando por unha pista pola marxe esquerda do río en dirección N durante aproximadamente 500 m, ata que un desvio a man dereita (perfectamente sinalizado) nos leva por un sendeiro ladeira arriba.  O sendeiro discurre sen excesiva pendente entre un bosque de abetos.



Tras aproximadamente 2 km de ascensión chegamos a un cruce (1480 m), da igual que opción escollamos xa que ambas nos levarán aproximadamente no mesmo tempo ata o glaciar. O camiño da esquerda pola fronte do glaciar e o da dereita paralelos á vía do funicular. Consideramos que sería moito mais fermosa a ruta pola fronte do glaciar e esa foi a que escollemos deixando a outra para a baixada.

Segundo nos acercamos ao glaciar a ruta se complica, aumenta o desnivel e hai que pasar algún tramo lixeiramente complicado, sobre todo se se fai con nenos. Aínda así a paisaxe e o bosque alpino polo que nos movemos son preciosos.


Vistas dende o sendeiro

O chegar a altura do glaciar (1880 m) atopámonos xusto co que nos temiamos, se en toda a subida vimos  dúas persoas na estación final do funicular habería unhas 2.000. Teleférico para baixar ata o glaciar, restaurante con terraza colgado do abismo, tendas de recordos e xente, xente e mais xente.

Terraza do restaurante colgada sobre o propio glaciar

Como en todo o mundo os glaciares alpinos están retrocedendo a gran velocidade. Un cartel indicándonos o nivel do glaciar no ano 1820 (hoxe está moitos metros mais abaixo) o que nos recorda que o cambio climático é unha realidade, por moito que algúns politicuchos graciosos se empeñen en negalo.

Nivel do Glaciar en 1820
Tentamos abstraernos da “feira” que nos rodea para disfrutar da paisaxe espectacular (unha cousa non quita a outra) pero resulta francamente compricado, polo que non tardamos demasiado en coller o camiño de regreso.

Para baixar escollemos o camiño que vai inicialmente paralelo a vía do funicular, é un camiño moito mais cómodo que o de ascenso, en todo momento polo medio do bosque e sen maiores complicacións.

Panórámica do Glaciar Mer de Glace é da Aigulle a Bochard (2669 m)

No hay comentarios:

Publicar un comentario