Lagoa da Serpe (Pena Trevinca)

O 1 de maio de 2010 fixemos esta ruta polo macizo de Pena Trevinca. A idea orixinal era subir ata o pico pero non nos atraía a idea de facelo pola ruta digamos "clásica" polo Barco de Valdeorras e o Alto dos Pedricios, xa que por esa zona a paisaxe está moi estropeada polas canteiras de pizarra.

Decidimos entón facer unha ruta moito menos coñecida, ascendendo dende o pobo de A Ponte (A Veiga), sen embargo por diversas razóns se nos fixo tarde e o final nos quedamos a medio camiño, na Lagoa da Serpe. Ainda así a ruta foi preciosa e pagou a pena realizala.

Vista da Lagoa da Serpe e do Macizo de pena Trevinca dende o Alto do Fial  (1841 m)

Para chegar o pobo de A Ponte dende a estrada OU-533 que une A Gudiña e A Rua, no km 28 collemos o desvío dirección A Veiga e unha vez alí dirección Xares e A Ponte. No seguinte plano aparece a ruta a seguir dende a localidade de A Gudiña (enlace cá Autovía das Rías Baixas)

O pobo de A Ponte (1100 m) é moi pequeno e non hai problemas de aparcamento para deixar o coche. Nós aparcamos nunha plazoleta na entrada do pobo. Para comenzar a ruta hai que atravesar a aldea e cruzar o Río Xares, continuamos camiñando por unha corredoira pola marxe dereita ata chegar o cruce onde comenza propiamente a ascensión. Este punto está moi ben sinalizado.

A Ponte

Cartel que marca o inicio do sendeiro

Dende o 1º momento a partir do desvío o camiño comenza a ascender deixando os nosos pes a man dereita o pobo de Ponte. Tras aproximadamente 20 minutos de ascensión chega un decanso nunha gran explanada onde a paisaxe se abre e a pendente se suaviza. No medio desta explanada, coñecida como Pena Ferro, hai unha pequena caseta. Na ladeira que temos enfrente, en dirección norte, se onservan as escombreiras de pequenas minas.

Pena Ferro

Vista das escombreiras das minas desde Pena Ferro

Aquí o sendeiro polo que subimos enlaza cunha pista mais ancha (transitable en vehículos) pola que continuamos en dirección mais ou menos leste ata chegar a un cruce onde vemos un sendeiro que ascende pola forte pendente que temos a man dereita. Este sendeiro estaba moi erosionado, seguramente polo tránsito por él de motos e quads.


Está é sen duda a parte mais dura da ascensión xa que en menos de quilómetro e medio ascendemos mais de 300 m de desnivel. De repente a dura subida remata e case sen darnos conta estamos na redondeada cima do monte Fial (1841 m). Dende esta modesta cima temos unhas bonitas vistas de toda a zona. Cara o leste observamos os cortados que forman o nacemento do río Xares e detrás o macizo de Pena Trevinca, cara o Sur o val do río Bibei e cara o oeste as lagoas e picos do Ocelo.

Cima do Fial con Pena Trevinca o fondo

Cabeceira do val do río Xares

Se continuamos o camiño dende a cima en dirección leste enseguida vemos a Lagoa da serpe un 100 m por debaixo dos nosos pes. Descéndese ata ela por un pequeno sendeiro pouco evidente polo medio das uces e toxos.

Lagoa da Serpe

 Dende aquí a ruta seguiría ata a cima de Pena Trevinca pero nos rematamola aquí, primeiro porque se nos fixo demasiado tarde e segundo porque como se ve nas fotos o tempo non era especialmente bo.

O regreso faise polomesmo camiño, pero o chegar a Pena Ferro pódese continuar pola pista que baixa cara o pobo, desta maneira teremos unha vista distinta do val do Río Xares, e poderemos observar os efectos da erosión glaciar na cabeceira deste val.

Val do río Xares (obsérvese o prefil en U típico da erosión galciar)

A continuación móstrase o mapa e a imaxen aérea da ruta realizada.

Visión en Google Earth da ruta realizada

Mapa da ruta realizada