CAMIÑANDO POR CORREDOIRAS: Ruta ornitolóxica polo Parque Natural Rexional da Camargue (Francia)

Este verán no noso camiño dirección Alpes para pasar unha semaniña pola montaña paramos un día neste parque natural do Sur de Francia situado na desembocadura do río Rodano.A Camargue e unha zona húmeda de importancia internacional, que alberga entre outras moitas especies a maior poboación europea de flamencos. O territorio protexido exténdese uns 750 km² entre os dous brazos principais do delta do río Ródano.

A época (23-24 de xullo) non é a mellor para observar aves pero aínda así fixemos un par de rutas cortas pola zona. Unha o parque ornitolóxico Pont de Gau e outra polo Dique á la Mer. Para durmir pola zona hai dous campings en Saintes Maries de la Mer, nos quedámonos no Camping la Brise, o cal francamente non recomendo, moi masificado e ademais bastante desagradables na recepción (non se trata de que non sepan falar español nin Ingles, senón que no noso caso non fixeron nin o mais mínimo esforzo por tentar entendernos)

Parc ornithologique Pont de Gau: (http://www.parcornithologique.com/) Este parque ornitolóxico atópase na estrada de acceso a Saintes Maries de la Mer, a escasos 5 km antes de chegar o pobo. A entrada custa 7 euros, pero non se trata dun zooloxico (aínda que é a impresión que da o entrar e ver unha cigoñas unhas grandes xaulas). De feito o meu pensamento o ver eso foi "menudo timo de sitio". Afortunadamente están soamente na entrada, quero pensar que se trata de animais feridos que non poden ser devoltos a natureza aínda que non o sei con seguridade.

En realidade o Parque ornitolóxico consiste nunhas marismas privadas percorridas por varios sendeiros e múltiples observatorios. Na miña opinión é moi interesante porque esta zona está frecuentada por múltiples especies de aves acuáticas.

Percorrido feito no parque ornitolóxico (Google Earth)

A continuación mostro algunhas das aves observadas durante o paseo pola zona.

Grupo de flamencos comúns (Phoenicopterus roseus)

Flamenco común (Phoenicopterus roseus) acicalándose

Niño de Ibis sagrado (Thereskiornis aethopicus)

Niño de garcetas (Ardea alba)

Garza real (Ardea cinerea)

Martinete (Nycticorax nycticorax)

Ademais de aves acuáticas é posible observar outras moitas especies, que ainda que mais comúns non por eso deixan de ser moi interesantes.

Bubela (Upupa epops) dándose un baño de terra

Andoriñas ou golondrinas (Hirundo rustica)

Libélula escarlata (Crocothemis erythraea) moi abundante en toda a Camargue

Unha das especies que mais me sorprendeu, probablemente pola miña ignorancia, foron as ratas almizcleras, moi abundantes en todo o parque e que alcanzan un tamaño "sorprendente" (para que vos fagades unha idea a nosa cadela Nina era mais pequena que moitas delas).

Rata almizclera (Ondatra zibethicus)

Dique a la Mer: O día seguinte, pola mañá, e despois de percorrer a zona en coche, fixemos un pequeno percorrido pola parte mais oriental do Dique a la Mer. Esta zona, mais próxima o mar ten un ambiente moi distinto, extensións enormes de marisma e dunas onde é frecuente observar aves mariñas (gaivotas, charrans, andarrios, etc). A zona está cruzada de pistas de terra e o ideal sería percorrela en bicicleta xa que camiñando se pode facer monótono ou incluso duro un día de calor xa que non existen as sombras.

Nos achegamonos en coche ata o aparcamento do Faro de La Cacholle, situado aproximadamente a 1 km, e dende alí achegamonos camiñando, pero repito que o mais interesante sería percorrer toda esta zona en bicicleta, no pobo de Saintes Maries de la Mer alúganas pòr uns 15 €/día (nos non o fixemos por falta de tempo)